無聊對話

話說今日徒弟搵師父食lunch然後等上court所以上佢寫字樓坐吓....

望住窗外嘅一片中區/山頂豪宅景...

「師父啊，你身後綠綠哋色，新新地𠴱棟，好似幾好住，我覺得唔錯....嗰度叫咩呀？」

師父：（一副無你咁好氣的模樣）幾好住？寶雲道，你都好有眼光喎。你係度發緊夢？

（然後徒弟不斷拑電腦.....）

「原來嗰度就係富匯豪庭呀！！！」

師父：嘩，你真係諗緊架？你條友都幾有大志喎。

「啊....好似最細嗰個千五呎單位，都要8千幾萬啊....」

師父：你發下夢先啦！

（.....10分鐘dead air，徒弟繼續拑下電腦，又望下窗外.

豪宅景....）

師父：喂！你唔係要走架咩？發完夢啦！

係，師父啱。

夢又發完，8千幾萬豪宅又欣賞完，係時候去搵我嗰8千幾蚊。