暑期無牌見習小律師 I

提到暑期無牌見習小律師，小女子暑假的時候，跟了兩位大狀各一個月（聽起來都覺得自己好勤力。。對唔住又成機讚自己）。為了讓大家不會覺得我之後所說的是火星文，以下是一些基本知識：-


大狀：你會在法庭上見到的那些（即係棟起身講野，個樣又惡又寸，黑晒面，你見到佢都會迴避個D呢。）

事務律師（常稱solic）：處理離婚，破產，多數deal with paper work（拿，就係好似謝先生，淨係著住條低褲係條街爭取公義個位 法律超人呀,個D咪叫solic 囉!）

聽完我以上的陳述，大家應該分得到大狀跟solic的分別了吧（我都知我講得好明）

一般人對律師的印象: （小女子係有做research的）好嚴肅，好正經，英文勁，行事果斷，細心，是非分明，唔八掛，勤力，總之同平常人不同。

如果你認同上述的說法，那你就真的大錯特錯了。（well，唔係話無呢種人，不過可能一千個先有一個囉）其實律師………………………………………………………….都是人類（嘩，好似爆左D驚世秘密）

好嚴肅，好正經: 在法庭上當然嚴肅正經（做梗戲俾client睇㗎大老，你唔pro，分分鐘無錢收，加上無人會係法官面前嘻皮笑臉。或者，根本好緊張， “jit"都唔識笑，咁當然嚴肅啦）其實，下班後律師還是會去happy hour，唱k，行街，睇戲，食飯，clubbing。食煙飲酒講粗口簡直是大家的共同嗜好（喂!都要抒發下掛----當然凡事都有例外）

英文勁: well, 我沒有資格批評別人，但我可以quote一名solic親口說的話：「邊個話律師一定要英文勁？大把廢到爆啦！」其實小女子在solic firm裡當暑期無牌見習小律師的時候，親眼看過一位大狀寫的counsel advice（意見書）要我當時的老闆花了兩個小時去幫他改grammar….（堅既，真係改左兩個鍾…….佢仲一邊改一邊感嘆how unbelievable.）

行事果斷，細心: 話說小女子有次飛香港，旁邊做了一個在國際firm工作的solic（國際firm係超難入的，入得的都是精英中的精英---supposingly）。由於我是一個很out-going的人，很快就跟她聊起來了。 “You know, I hate sitting in planes” 她說。 “why?” 我問。 “Cause I keep forgetting about my phone. I almost leave my phone on the plane every time … I know its such a shame to tell others that I’m a lawyer, but yeah, this happens to me too often” 加上，她是超級disorganised的，她的東西可以整個座位and overhead locker都是，連我也看不過眼要主動幫她 …還有，她問了我很久她應該看那個小電視的什麼節目，由此可見，她一點都不果斷

是非分明，唔八掛: 絕對沒可能。沒有是非怎麼可能有那麼多共同話題？有位大狀說，要找話題，最好就從是非開始。(true, 起碼是非大家都會有興趣，加上講完又不會有什麼利益衝突，當故事聽聽不好嗎? ）一個interesting的是非，是可以傳一天，一個月，甚至一年 or longer.

勤力: 這是真的，很多律師都的確很勤力…點解？因為要交租囉（for大狀）。在某些solic firm工作，根本沒有時間休息，桌上的files分分鐘棟得高過你個人（小女子試過整跌人咁高的file山，好似地震完一樣，那一刻真的一百萬個想哭）

Conclusion: 其實你們想多了，律師也真的是人一個，跟大家的生活差不多….(係唔係有D失望呢，原來法律超人唔係好似batman，superman咁)


待續…