13.7.17

無聊對話

話說今日徒弟搵師父食lunch然後等上court所以上佢寫字樓坐吓....

望住窗外嘅一片中區/山頂豪宅景...

「師父啊,你身後綠綠哋色,新新地𠴱棟,好似幾好住,我覺得唔錯....嗰度叫咩呀?」

師父:(一副無你咁好氣的模樣)幾好住?寶雲道,你都好有眼光喎。你係度發緊夢?

(然後徒弟不斷拑電腦.....)

「原來嗰度就係富匯豪庭呀!!!」

師父:嘩,你真係諗緊架?你條友都幾有大志喎。

「啊....好似最細嗰個千五呎單位,都要8千幾萬啊....」

師父:你發下夢先啦!

(.....10分鐘dead air,徒弟繼續拑下電腦,又望下窗外.
豪宅景....)

師父:喂!你唔係要走架咩?發完夢啦!

係,師父啱。






夢又發完,8千幾萬豪宅又欣賞完,係時候去搵我嗰8千幾蚊。

2.8.16

懷舊

這程50分鐘從Coventry開往London的火車

熟悉的火車站,耳熟能詳的車站廣播,甚至沒有變更的月台號碼 (題外話:原來以前間Costa變咗做Starbucks)一切親切得帶點陌生。
5-6年前的我(唔覺意暴露咗自己的年齡),起碼每個月都會到此火車站2-3次。偶爾去鄰近的Birmingham,或者去London探衰人(係,我個陳年舊blog裡嗰個),又或者空姐飛咗過黎一齊去hea,又又或者純粹無聊,去食野,行街。

重回這個站,這條熟悉的路線,以前的人和事恍惚突然活現眼前。這一刻,對我來說,有點奇妙。

Felt so close, yet so far.

都回不去了,雖然大家都有keep contact,一個月都會至少見一次,但感覺就是沒以前一起生活,一起do nothing,一起備戰考試,那種close 得像family 的感覺。

從前,到Sainsbury買雞脾會是我們的highlight of the day。現在的我們,似乎不用OT已經要還神。Highlight of the day 變成買咗幾多對RV

這裡就是那麼簡單,平淡。以前的我們總是那麼容易滿足。

回香港後,忙得透不過氣,以為自己早已把這裡發生過的一切遺忘。

原來以前的一點一滴,甚至是跟每一個朋友的感覺、經歷,以前的心情全部歷歷在目。

原來我還是一個會懷舊的人。

我想我還真的是很想念這個地方,更懷念的是在這裡發生過的每一個人和事。感激你們早就了今天的我。

「還未學習怎麼紀念從前,便發覺要懂得擁抱明天」



後記:無聊看看這個blog。問我覺得點?搞笑囉,以前咁得閒嘅。那裏記載了我的喜與悲,(自以為)竭斯底里的愛情甚至無聊至極的「生活體驗」。這就是我的過去。我慶幸自己曾經那麼的青春過。

13.2.16

10.1.16

23.7.15

長大後才明白,分手時問的那一句為什麼,其實已經問多咗。





分手,從來只需要一個人,不需要另一方的approval 或confirmation。


19.9.14

後來

後來我發現,原來一直都在浪費時間去追查對方夠不夠愛自己,完全忘了享受過程。

5.7.14

近況

係呀,話咁快我已經投身社會近一年。

感覺?

好大壓力,有點吃力囉。

呢件袍既重量,真係非一般。